Под поимот сообраќај, во поширока смисла, подразбираме пренесување на луѓе, добра, вести, енергија од едно место на друго.
Зборот транспорт во директен превод значи пренос или превоз. Потекнува од латинскиот збор ,,transportere”, што значи пренесување. Под поимот транспорт се подразбира дејност којашто со помош на посебни технички средства и посебна организација ги совладува растојанијата пренесувајќи ги луѓето, добрата од едно место на друго.
Сообраќајната незгода е незгода што се случила на место отворено за јавен сообраќај или што започнала на такво место, во која едно или повеќе лица биле повредени и во која учествувало најмалку едно возило во движење.
Сообраќајниот вештак ја реконструира сообраќајната незгода со анализа на материјални докази, изјави и со чија обработка би била овозможена веродостојна и доверлива реконструкција и динамика на незгодата, а притоа ги одредува пропустите настанати од страна на учесниците во сообраќајната незгода и нивната одговорност.
Друштвото за вештачење Егзакта Демих Дооел Скопје располага со стручни и вешти лица, кои можат со прецизност да ја утврдат фактичката ситуација и причините за настанување на сообраќајната незгода и да помогнат за што побрзо и ефикасно решавање на спорови поврзани со сообраќајни незгоди. Исто така друштвото располага со вештаци за изработка на вештачење во делот на сообраќајни решенија на крстосници и коловози.
